أوضح الفنان المصري سامح حسين، حقيقة تصريحاته المتعلقة بمطالبته بإلغاء الإجازات الرسمية فى الأعياد، والتى أثارت ضجة على مواقع التواصل الاجتماعي.

وكتب الفنان سامح حسين عبر حسابه الرسمي بموقع "فيسبوك": "جمهوري الحبيب كل سنة وأنتم طيبين وبخير، بناء على طلبكم، والناس اللى طلبت تفسير لموضوع إنى بطالب بإلغاء الإجازات فى الأعياد، الكلام ده طبعا غير حقيقي بالمرة".

وأضاف الفنان سامح حسين قائلاً: "أنا زيكم بحب الإجازة وبحب زيكم أشتغل بإخلاص زى كل واحد فى مجاله، الإجازة دى نعمة من ربنا نشحن من خلالها قوتنا لمواصلة مشوار الحياة، وكل الموضوع إنى اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها إجازة".

وتابع سامح حسين: "لكني لم أقصد أبدا إلغاء الإجازات الرسمية، وعلى فكرة إحنا بنحب الإجازة علشان بنشتغل، وأى حد جرب قلة الشغل مش هيحب الإجازة، الشغل نعمة ربنا يديمها علينا، ويعين كل واحد على حاله، ويكرمنا جميعاً ويرزقنا الخير، ويارب حياتكم تكون كلها أعياد وفرحة".

ووجه الفنان سامح حسين التهنئة للرئيس المصري عبدالفتاح السيسي بمناسبة عيد الفطر المبارك خلال مشاركته في احتفالية عيد الفطر، بحضور أبناء الشهداء من القوات المسلحة والشرطة المصرية.

وقال "حسين": "مصر فيها حاجات حلوة كتير أوى ومن ضمنها أنك مش محتاج مناسبة معينة عشان تسمع جملة كل سنة وانت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات".

وأضاف: "إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي".