وخلال لقائها في برنامج "الستات ما يعرفوش يكدبوا" الذي تقدّمه الإعلاميتان مها بهنسي ومها الصغير على قناة "CBC"، أوضحت سلوى عثمان أن الاتفاق على ملامح الشخصية جاء بالتعاون مع المخرج وفريق العمل، وقالت: "الشخصية قوية ومسيطرة، وبتسرق جوزها بس بشكل كوميدي، فالمشاهد بيضحك ومبيكرههاش. واللغة الصعيدي كانت سهلة عليّا، لأن اشتغلت قبل كده في أعمال كتير باللهجة دي، ودايمًا بحفظ كويس علشان أقدر أتقن الدور".

وتحدثت سلوى عثمان عن مسيرتها الفنية قائلة: "أنا عمري ما خططت للأدوار اللي بقدّمها، لكن كنت محظوظة بالتنوع، والحمد لله الجمهور حبني في كل شخصية. حتى لما بعمل دور الأم، كل واحدة كانت مختلفة عن التانية، والمهم عندي إن الدور يكون له تأثير ورسالة في الأحداث".

يمكنك مشاركة الخبر علي صفحات التواصل