خرج الفنان هشام جمال في أول تعليق له بعد حفل زفافه الاسطوري على الفنانة ليلى زاهر، ليكشف عن كواليس جديدة في أغنية فستانك الأبيض والذي قام بإهدائها لزوجته ليلى زاهر في ليلة زفافهم، مشيرا إلى أنه كان سيقوم بغنائها بنفسه ولكن فاجأه حسين الجسمي بتسجيلها.

هشام جمال يكشف كواليس أغنية فستانك الأبيض 

وقال هشام جمال في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: اولا احنا بجد مش لاقيين كلام يوصف احساسنا بفرحتكم معانا وبأهلنا واصحابنا اللي كانوا معانا في احلى يوم في حياتنا وفي ناس كتير لازم نشكرهم بالاسم..لكن انا عايز ابدأ بأغنية “فستانك الابيض” اللي بدأنا بيها الفرح.

وتابع هشام جمال حديثه: الحقيقه اني كنت ملحن الاغنيه دي مفاجأه ل ليلى فعلا وكان المفروض الاول اني انا اللي هغنيها وافاجيء ليلى بيها في الفرح..لكن اخويا الكبير وصديقي وقبلهم الفنان العظيم حسين الجسمي عملي انا كمان مفاجاه وكلم مادي صاحبي واخويا وموزع الاغنيه من ورايا وعملولي هما مفاجأه في يوم تسجيل الاغنيه ولقيت الاغنية متسجله بصوت حسين الجسمي اللي ملوش زي واللى خلى الموضوع راح في حته تانيه عندي وعند عروستي ليلى اللي بتحبه جدا .

هشام جمال: شكرا لحمايا اللذيذ اللي اشترك معايا في الجريمة 

واختتم هشام جمال حديثه: شكرا ليك بجد على احلى هديه لليلى وليا،  شكرا للشاعر المحترف واخويا الكبير أمير طعيمه والموزع العبقري مادي..اخويا اللي تعبته معايا جدل، مهندس الصوت الشاطر وحبيبي بيشوي مجدي، واخيرا شكرا لحمايا اللذيذ والفاهم أحمد زاهر اللي اشترك معايا في الجريمه دي.

كلمات أغنية فستانك الأبيض 

وتعد أغنية فستانك الابيض من كلمات أمير طعيمة، ألحان هشام جمال، وتوزيع مادي، وتقول كلماتها: خطوه و را خطوه بتمشيها دي اللحظه اللي انا مستنيها والارض اللي بتمشي فوقيها مفيش قدك يا حبيبتي عليها خطوة ورا خطوة بقربلك جايلك علشان افرح قلبك وعمري اللي فات قبل م اقابلك مش بحسب ايامه من قبلك فستانك الابيض اللي هياخد منك حته وعشان اليوم ده رسمت عملت انا مليون خطه والناس بتغني و الدنيا بتعزف زفة والمزيكا تعلى ومعاها بتعلى السقفه والناس بتغني و الدنيا بتعزف زفة والمزيكا تعلى ومعاها بتعلى السقفه حبيبتي و عمري و اميرتي.. يا بكرة اللي ماددلي ايديه يا قصري و بيتي و جزيرتي.. وحلم قدرت اوصل ليه و قالوا الشعر عن ليلى.. وكتبوا في سحرها دواوين و انا و ليلى بقينا لبعض.. في دنيتنا سوا عايشين فستانك الابيض اللي هياخد منك حته وعشان اليوم ده رسمت عملت انا مليون خطه والناس بتغني و الدنيا بتعزف زفة والمزيكا تعلى ومعاها بتعلى السقفه والناس بتغني و الدنيا بتعزف زفة والمزيكا تعلى ومعاها بتعلى السقفه خطوه و را خطوه بنمشيها دي اللحظه اللي انا مستنيها.