تحدث الفنان كريم فهمي عن معاناته مع مرض فرط الحركة وذلك خلال لقاءه مع الإعلامية لميس الحديدي في برنامج كلمة أخيرة المذاع على قناة أون، مشيرا إلى أنه اكتشف الأمر عن طريق الصدفة.

كريم فهمي يكشف تفاصيل إصابته بفرط الحركة 

وقال كريم فهمي في تصريحات رصدها موقع تحيا مصر: اكتشفت إني بعاني منه لما بنت من بناتي كان عندها عدم تركيز وكشفنا عليها وعرفت إني عندي أنا كمان. 

وتطرق بحديثه أن شقيقه أحمد فهمي: أنا أحمد أخويا أول حد من جيلنا ينزل فيلم من تأليفه وكان كده رضا، اتعلمت منه كتير وبعتبره أستاذي في الكتابة. 

أما عن أحمد فهمي، فقال: أنا وكريم أخويا شبه بعض إننا أهلاوية وهو أهدى وأعقل مني في المواقف. 

كريم فهمي: أنا مش مجنون شهرة 

وقال كريم فهمي أيضا: أنا معنديش حسابات البطولة والنجم الأول... أنا ... أنا بشتغل علشان بحب الشغلانة مش علشان شهرة وخلاص".

وحول سر الارتباط الكبير من الجمهور بشخصية "فارس أبو العزم"، تساءلت لميس الحديدي إن كان السبب هو افتقاد الناس للرومانسية أو النموذج الشجاع المخلص، ليرد كريم فهمي: "النجاح رزق وتوفيق من عند ربنا، مش دايمًا المجهود بيكفي. ممكن تشتغل وتتعب وتقدّم أحسن حاجة وربنا ما يكتبش النجاح. أنا مش بعرف أفرح أوي بنجاحاتي... دايمًا بقول الحمد لله، وربنا اللي بيوفق".

كريم فهمي: ميهمنيش أكون نجم أول ومش بكتب فيلم غير وانا مبسوط 

وعن سعيه للبطولة المطلقة، قال كريم فهمي: "مش لازم أبقى الاسم الأول، ومش بقول كده علشان مش مهم... لأ، بس لو حسبتها كده مش هنجح، لأن النجاح بالنسبالي مش مربوط بالتصنيف، هو مربوط بالراحة الداخلية والشغف اللي بيخليني أشتغل".

واختتم حديثه قائلاً: "مايهمنيش  أكون نجم أول  ومش معنى كده أنها مش مهمة بس لو حسبتها بالطريقة دي  مش هنجح لاني عارف نفسي   أنا مش بكتب فيلم غير وأنا مبسوط... مش بعمل حاجة غير لو حسّيت إني عايز أعملها. وبحبها  دي مش بس شغلانة، دي حاجة بحبها".