حرص المستشار محمد عطية عضو اللجنة السابقة التى كانت تدير الزمالك التعليق على المشهد الحالى فى نادى الزمالك.

وما بين حالة غضب جماهيري من إدارة النادي نتيجة كل الاحداث التى حدثت، وما بين الحديث عن حالة استقرار إدارى للحفاظ على النادى، علق
المستشار محمد عطية على المشهد.

المستشار محمد عطية وعبر حسابة الشخصي على منصة فيس بوك كتب معلقاً قائلا،

بوست طويل أخير كروياً
‏مُحترم كل مُختلف فى الرأى اللى هقوله .. قناعتى الشخصية إن مفيش حاجة اسمها مجلس يمشى ويستقيل أو يُقال ..

المجلس فشل دى حقيقة لا يُنكرها زملكاوى فى ٩٠٪ من ملفاته .. لكن المجلس المُنتخب يجب أن يُكمل مدته ويستمر أو يرحل وفقاً للصندوق الانتخابى .. بداية الطريق إنك تطلع تقول غلطنا واتعلمنا وتثبت إنك اتعلمت ..

‏اقعدوا مع بعض وحلوا مشاكلكم مع بعض .. اشتغلوا باحترافية هاتوا مدير رياضى أجنبى .. ومدير تعاقدات وتسويق بقيمة عمرو وهبى .. ابعدوا عضو لجنة التخطيط ..

هاتوا مدير فنى اجنبى لقطاع الناشئين .. ورينى مشاريع تدر دخل وتوفر موارد .. ما تخافش واخرج من سيطرة الرئيس السابق وخليك سيد قرارك ..

واجه ما تهربش وما تبررش غلطك .. والأهم وجه لجانك للمنظومة للمنافس مش للجمهور اللى بيحميك .. لو عملت كدة يبقى فى أمل ومفيش فزاعة قلة فلوس لإن العقول اللى تجيب فلوس أهم