كشفت الفنانة هنا الزاهد عن الأشياء التي تغيرت في شخصيتها بعد الزواج.

وقالت هنا الزاهد -خلال لقائها مع الإعلامي أنس بوخش في برنامج ABtalks: "اكتشفت إني لازم أحافظ على قلبي جدا، وهيبقى صعب جدا حد يدخل حياتي".

وأضافت هنا الزاهد: "عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك.. ومفيش حد هيدخل حياتي إلا لو عارفة إنه صح أوي".

وأوضحت هنا الزاهد أنها لا تعاني من عقدة حاليا قائلة: "أنا في أسعد فترات حياتي، والفترة دي مركزة في إني أسعد هنا، وأي حاجة كنت نفسي أعملها بعملها".

وتحدثت هنا الزاهد خلال اللقاء عن أهم الأشياء في الزواج قائلة: "أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة".

وردا على سؤال كيف يمكن المحافظة على استمرار المشاعر في الزواج، قالت هنا الزاهد: "لازم الإنسان يبقى صادق جدا، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه".