فاجأ المخرج مجدي الهواري، قطاع كبير من الجمهور عبر المنصات الرقمية انتقاده لمسلسل «برستيج» للمخرج عمرو سلامة، اليوم الخميس، مشيرا إلى أن الفن لديه قواعد وقابل للكسر.

وكشف مجدي الهواري، خلال لقائه ببرنامج «الراديو بيضحك» عن سبب انتقاده لمسلسل «برستيج»، قائلا: «إن الفن اتولد عشان يتكسر، مفيش قاعدة للفن، وأنا مؤمن بهذا الموضوع، لازم يكون في إبداع مالهاش قواعد».

وأضاف مجدي الهواري: «والفكرة ساعات الواحد بيحب يخترع حاجات برا الصندوق، وأنت بتخترعي حاجات برا الصندوق لازم يبقي فيه إبداع ومفيش قواعد، مضيفا: يعني مهما كنت خريجة معهد سينما ودارسة سينما، هتلاقي أول فيلم هتخرجي، هتلاقي أنه مبدع وبيكسر كل اللي اتعلمتوا في الكتاب».

وتابع الهواري: «الفن اتولد عشان تكسري القواعد الأساسية فيه كمان بس تحت قاعدة معينة، فأنت دلوقتي بتعمل كوميدي معمول في كل حته في الدنيا، بس لازم تحط معايير تتفق فيها مع المشاهد عشان يجي معاك، عشان أفهم واستوعب اللي انت عاوز تعمله، عشان الناس تيجي معاك».

وأردف مجدي الهواري: «لكن في حاجات ثوابت لازم أنت تاخد بالك منها، تتناول الموضوع من خلالها الموضوع عشان الناس تفهم أن أنت مش هتفهمهم، فأنا كتبت مقولتش العمل حلو ولا وحش لأن برستيج عبارة عن فزورة تكتشف مين القاتل، واجي في النص أفقد الشغف واشوف حاجه تانية مملة بس مسلية».

أبطال مسلسل برستيج

مسلسل «برستيج»، من بطولة مصطفى غريب، إلى جانب عدد من نجوم الفن أبرزهم: عبد الرحمن توته، سامي مغاوري، دينا، راندا عوض، بسام رجب، آلاء سنان، أمينة البنا، معاذ نبيل، وعمر شريف، والعمل من إخراج عمرو سلامة، وتأليف وسيناريو وحوار إنجي أبو السعود.

أحداث مسلسل «برستيج»

تدور أحداث مسلسل «برستيج»، المكون من 8 حلقات في إطار كوميدي، حول عاصفة قوية تضرب شوارع القاهرة، مما يجبر 14 شخصًا من خلفيات اجتماعية مختلفة إلى اللجوء لمقهى في وسط البلد بعد انقطاع الكهرباء وعودتها، وتتصاعد الأحداث ويكتشف الجميع أن أحدهم قد قتل، ومع تصاعد التوترات يدركون أن القاتل بينهم، وتتطور الأحداث في إطار من الكوميديا السوداء، بينما يحاول الجميع كشف لغز الجريمة على مدار ثماني حلقات مشوقة.

اقرأ أيضاً
«لا تعادي الجمهور».. مجدي الهواري يوحه نصيحة لأحد الفنانين

مجدي الهواري يكشف عن البوستر الرسمي لقصة الـتوربيني «صورة»

سر ابتعاد رامز جلال عن السينما.. المخرج مجدي الهواري يكشف التفاصيل